Den Club Innovation fënnt 3 bis 4 Mol am Joer statt a gëtt organiséiert vun der Chambre des Métiers, Entreprise Europe Network an Luxinnovation. D’Ziel vum Club Innovation ass innovativ Technologien, Servicer, Methoden, asw. dem Handwierk méi nozebréngen.
Des Kéier geet et em de Management vun der Innovatioun an engem Betrib. Well wann vun Innovatioun geschwat gëtt, dann denkt een oft direkt un Kreativitéit a un Spontaneitéit, an net un Struktur a Reegelen. Mee et ass awer wichteg fir eng Firma hier Innovationsaktivitéiten systematesch ze plangen, ze stéieren an ze kontrolléieren fir d’Iddien optimal ëmzesetzen.
Wärend dësem Club Innovation kucken mir wat een ënnert Innovationsmanagement versteet a wéi een strukturéiert un des Aktivitéit erugeet. Mir schwätzen iwwert déi wichtegst Faktoren fir erfollegräich ze sinn a wéi d’Luxinnovation Iech dobäi ënnerstëtzen kann.